Oqtay Mirqasımov
Oqtay Mirəsədulla oğlu Mirqasımov (12 iyun 1943, Bakı) — Azərbaycan kinorejissoru, ssenarist, Azərbaycan Respublikasının xalq artisti (2000), "Şərəf" ordenli (2018). "İstiqlal" ordenli (2023). Oqtay Mirqasımov 12 iyun 1943-cı ildə Bakı şəhərində anadan olub. 1963–1968-ci illərdə Moskvada ÜDKİ-nin rejissorluq fakültəsində təhsil alır, Bakıya "Azərbaycanfilm" kinostudiyasına qayıdır. Bir neçə sənədli, bədii filmlərin quruluşçu rejissoru və ssenari müəllifidir. Filmləri Ümumittifaq festivallarında mükafat alıb. Azərbaycanın xalq artistidir. 1992–2001-ci illərdə "Azərkinovideo" İstehsalat Birliyinin baş direktoru vəzifəsində çalışıb. 2015-ci ildə Cəfər Cabbarlı mükafatına layiq görülmüşdür. 7 iyun 2018-ci ildə "Şərəf" ordeni ilə təltif edilmişdir. 2 avqust 2018-ci ildə Azərbaycan Respublikası Kinematoqrafçılar İttifaqının Milli Kino Mükafatına layiq görülüb. 12 iyun 2023-cü ildə "İstiqlal" ordeni ilə təltif edilib. AMEA-nın ilk prezidenti, tibb elmləri doktoru Mir Əsədulla Mirqasımovun oğludur. Xalq rəssamı, heykəltaraş Mirələsgər Mirqasımovun qardaşıdır. AMEA-nını müxbir üzvü, fizika-riyaziyyat elmləri doktoru Rüfət Mir-Qasımovun qardaşıdır. Aktrisa Ayan Mirqasımovanın atasıdır.
- Başlıq: Oqtay Mirqasımov
- Populyarlıq: 0.001
- Tanınan: Directing
- Ad günü: 1943-06-12
- Doğum yeri: Baku, Azerbaijan SSR, USSR [now Azerbaijan]
- Ana səhifə:
- Başqa adla: Oktai Mir-Kasimov, Oktay Mir-Kasimov, Октай Мир-Касимов, Октай Миркасимов, Ogtay Mirgasimov, Oqtay Mirgasimov, Октай Мир-Касым, Октай Мир-Гасым
