1 Tempada
17 Episodio
A Estiba - Season 1 Episode 11 Perecedoiros
A situación no porto é insostible. Xavier é un deses estibadores desesperados. A súa muller Helena dille que necesitan cartos. Teñen un fillo pequeno e a Xavier non lle queda outra que ser un crebafolgas. Ao pouco de volver ao traballo, aparece aforcado nunha das grúas, asasinado. Manuela está cabreada porque César e os seus homes baixaron o corpo de Xavier alterando a escena do crime. Os estibadores son os principais sospeitosos. Para defenderse, César dille a Antón que investigue quen foi o culpable da morte. Pero, precisamente, é o ADN de Antón o que aparece no corpo de Xavier. Antón ten coartada pero Cruz, nunha noite de excesos, dá o nome do rapaz á prensa e sinálao como principal sospeitoso da morte do estibador. No concello tamén están a sufrir as consecuencias do asasinato. A presión de Marcos sobre os estibadores sinálano como parte culpable e Ardora vólvese na súa contra. Para calmar os ánimos, Estevo, o tenente de alcalde, propón unha entrevista. Pero Marcos quéntase e muda o relato conciliador, acusando directamente a César. Se Marcos non quere perder o cargo, o mellor será que pida axuda. Estevo pásalle o contacto de Lionel, un misterioso home de negocios que semella interesado en Ardora e no proxecto do porto. Despois de que Marcos, para non manchar a súa imaxe, retire a oferta de traballo a Rosalía, a mediana das Fortes chama á porta de Lionel. O encargado de RRHH non quere saber nada dela. Rosalía está marcada. Pero cando Lionel a escoita falar, é consciente do potencial da ex de Marcos. E decide contratala. Na comisaría, Sofía non afrouxa. Manuela atópaa na súa casa, con Mercedes. Consciente do perigo, Manuela pídelle axuda a Kubala para revisar a documentación de Emilio e descobre que o seu pai traballaba para César e que os movementos dos cartos tamén salpican a Mercedes. Para salvar á familia, Manuela e as súas irmás destrúen esa parte da documentación. Cando Kubala se decata do que fixo Manuela, cabréase con ela. Unha rifa que o achega cada vez máis a Sofía.
- Ano: 2020
- País: Spain
- Xénero: Action & Adventure, Crime, Drama, Mystery
- Estudo: Televisión de Galicia
- Palabra clave:
- Director: Miguel Conde
- Reparto: Desiré Pillado, Antea Rodríguez, Melania Cruz, Adrián Castiñeiras, Luis Iglesia
"
"
"
"
"
"
"
"
"
"
"
"
"
"
"
"
"
